Уыдысты æртæ æфсымæры: Уастырджи, Барастыр æмæ Артъауыз. Уастырджи уыдис хистæр, Барастыр астæуккаг æмæ Артъауыз та уыди кæстæр æфсымæр.
Фæстагмæ сæ зонд иумæ нал цыдис. Райдыдтой быцæу æз – хуыздæрыл, нал хъуыстой сæ хистæр – Уастырджийы бархъомысмæ. Уæлдаæдæр сæ кæстæр æфсымæр Артъауыз райдыдта фыдуаг кæнын, райдыдта налат митæ; æвирхъау æмæ æбуалгъы митæ, æппындæр никæйуал æмбæрста, нал зыдта тæригъæд адæймагæн.