Джуссойты Нафийы гуырæнбон

Джуссойты Нафи

Алы нацийæн дæр йа хъысмæтыл иузæрдион хъуыдыгæнджытæ куы вæййы, йæ адæмы, йе гъдæутты, йе взаджы , йæ духовон культурамæ куыдфæндыйы цæстæй чи нæ фæкæсы, ахæм гоймæгтæ куы разыны, уæд уыцы наци мæгуыр никуы вæййы. Уæд, уыцы нацийæн йæ фидæн рауайы рæсугъд. Уыцы нацийæн иннæ бирæнымæц нациты æхсæн дæр вæййы стыр кад æмæ фæахсы аккаг бынат.

Ирыстон дæр хайджын фæцис ахæм гоймæгтæй, кæцыты хайбавæрд стыр у национ культурамæ. Уыцы адæймæгтæ сты ирон æвзаджы, фыдæлты рæсугъд æгъдæуттыл тохгæнæг. Ахæм зондджын, йæ райгуырæн бæстæйы рисæй чи рисы,  æдзух дæр йæ бæстæйы , йе мтуг адæмы фарсма чи лæууы, йæ хъыг, æмæ йæ цин дæр иумыййаг кæмæн у, уыцы адæмы фæрцы Ирыстонæн ис хъæзныг, раппæлинаг хæзнатæ.

Ахæм гоймагтæй сæ иу у, дыууæ Ирыстоны дæр зындгонд чи у, интеллигенцийы  ахæм минæвар, академик Джуссойты Нафи. Бирæ сты Нафийы лæггæдтæ Ирыстонæн.  Сæйраджы сæйраг, Нафи у ирондзинадыл тохгæнæг. Йæ арф æмæ цыргъзонды фæрцы, уымæн ис дзæвгар зонадон æмæ сфæлдыстадон куыстытæ.

Нафи у ирондзинад тауæг, Ирыстон æмæ йæ адæм сæрыстыр кæмæй сты, ахæм гоймаг.

Абон Джуссойты Нафи нысан кæны йа райгуырæн бон. Абоны бон дæр йæ куысты уæлхъус лæууы Нафи, абоны бон дæр лæггад кæны йæ адæмæн.

Уадз, ноджыдæр ын фылдæр бантысæт, æнæнизæй ма бирæ азты фæкусæт йæ Ирыстоны сæраппонд, цы хъуыдытæ æмæ йæм фæндтæ ис, уыдон ын сæххæст уæд! Цыдæриддæр сарæзта ирон æвзаджы, стæй æмткæй ирондзинады бирæ къабазты, уыдонæн та аккаг кадгæнæг æмæ æгъдаугæнæг уæд ирон адæм!

Комментирование и размещение ссылок запрещено.

Комментарии закрыты.

Яндекс.Метрика